المقادير بسيطة جدا:
لحم احمر مفروم (كيلو مثلا)
جبن موزاريلا (نوع نضيف كده يكون بيسيح حلو و طعمه مملح قليلا)
بقسماط مطحون ناعم (3 ملاعق كبار)
رشة زعتر
ربع ملعقة صغيرة فلفل اسود
ملح
نصف ملعقة صغيرة بهارات لحمة
كسبرة خضراء
رشة جوزة الطيب
نصف ملعقة صغيرة بصل بودر
ربع ملعقة صغيرة ثوم بودر
بصلاية مبشورة وسط
4-5 حبهانات مطحونين
للصوص::
2 طماطم
بصلاية صغننة
فص ثوم
جنزبيل مبشور
بصل بودر
ثوم مبشور
رشة زعتر
ربع ملعقة صغيرة فلفل اسود مطحون
ملح
الطريقة بسية بس نركز شويتين كده
افرمى اللحمة وحطى عليها البصل المبشور وكل البهارات اللى عندك
بالنسبة للحبهان افتحي الحبهاناية و طلعي البذر اللي فيها و اطحنيه بالهون مع شوية ملح و كمون علشان مايقعدش البذر يجري منك
و الكسبرة الخضراء حطيها في الاخر
و نقلب و نعجن بإيدينا لحد ما المكونات كلها تتجانس
و بالنسبة للجبن الموزايلا
ماتجيبيش المبشورة ..كور(جمع كوة) او ستيكس (أصابع)
حطي عليها شوية ملح و سيبها في مايتها كام ساعة علشان الجبن تملح شوية و وقت الاستخدام نقطعها مربعات صغيرة علشان نحشي بها الكفتة
و نحمرها في قليل من الزيت علشان تتشوح قبل ما تتحط في الصوص
ندخل على الصوص::
في قليل من الزيت هنحط البصلاية المبشورة مع قليل من الملح و الفلفل و نشوح قليلا يادوب تذبل و بعد كدة نحط الجنزبيل المفروم و فص الثوم المفروم و نقلب بس ناخد بالنا مانحرقش الثوم علشان ما يعملش طعم مر في الاكل
و نحط الطماطم المعصورة و عليها البهارات بتاعتنا كلها و نسيبها لحد ما تستوي
و بعد ما الصوص يثقل نحط فيه الكفتة المتشوحة و نسيها تاخد معاها غلوتين علشان الصوص يثقل من شوية من الدقيق الي على الكفتة
و بعد كده بالهنا و الشفا ممكن تقدميها مع ارز او مع مكرونة زي ما تحبي
و على و شها رشة جبن موزاريلا مبشورة و رشة كسبرة مفرومة تدي شكل حلو عند التقديم
و تسلم ايد اللي وقف و تعب و عمل 
ليست هناك تعليقات:
إرسال تعليق