وانا عايز حضن !!
بيتهيألى ده كان شعار شباب الفيس بوك الوقت اللى فات خصوصا بعد انتشار صورة احمد حلمى وهو بيحضن منى زكى ومش راضى يسيبها الا لما يخلص الحضن ....
أسال نفسك سؤال بسيط وانت بتفكر فى كمية الحب الافلاطونى بين احمد ومنى هل الحضن ده حاجة خارقة للطبيعة ؟؟ طيب بلاش خوارق هو يعنى مش عادى ان الزوجين يحضنوا بعض تشجيعا لبعض خصوصا لما يكون فيه حاجة كويسة او حاجة وحشة بتحصل ؟
ليه اخدنا الحضن على انه هو المثال والتجسيد الكامل للحب ؟؟
لأننا شعب يفتقد للحضن والتشجيع ....... ولا لأن اغلب نماذج المتزوجين حوالينا كلها فشل واحباط لبعضيهم وده عمل عقدة للشباب فلما بيشوفوا حضن زى كده بينبهروا زى بهير !!!!
الجواز ....
الجواز مش مسكة ايد وشبكة ومهر وحضن قدام الناس
الجواز احتواء ....... فكر شوية وانت منبهر بحضن احمد ومنى وارجع شويه بذاكرتك سنة وكام شهر لورا ...
هااااااااااااا ..... افتكرت ؟؟
لما احمد ظهر عنده كتلة كده فى ضهرة وطلعت حاجة محتاجة استئصال وفى نفس الوقت منى كان عندها حاجة محتاجة علاج بره ؟؟
الجواز مش حضن قدام الكاميرا
الجواز حضن من قلب لقلب ووقفة بجد وقفة وقت المرض والفقر
يعنى اتنين متحملين بعض بكل بلاويهم
يعنى اتنين شايلين بعض كويس
يعنى اتنين عارفين يحتووا بعض ويعيشوا جوه بعض
يعنى أمان وقت ما الكل يتخلى عنهم
وقفوا شوية تفكير فى الحضن
وفكروا ازاى يتحول الحضن ده لواقع ناجح فى علاقاتكم
written By / grace group
ليست هناك تعليقات:
إرسال تعليق