نصايح علشان تبقى حامل مرتاحة !!

جرّبى الكام نصيحة دول وإن شاءالله تتحسنى :

- ماتاكليش بلليل متأخر. آخر وجبة قبل النوم ب3 ساعات تقريبا وتبقى وجبة مش تقيلة

- بلاش الأكل الدسم أو اللى فيه توابل كتير

- بلاش التدخين

- انسى موضوع 3 وجبات رئيسية فى اليوم وخليهم 5-6 وجبات خفيفة على مدار اليوم. يعنى قسميهم

- خللى راسك وجذعك مرتفعين شوية وانتى نايمة ..ممكن تحطى مخدة تحت راسك أو ضهرك

- لبسك يبقى واسع ومريح خاصة من عند منطقة البطن والوسط

- شرب المايه الكتير بيزود حرقان المعدة. اشربى كميات قليلة على فترات فى اليوم مش كمية مايه كبيرة مرة واحدة

- لو عايزة توطى تنزلى على ركبتك الأول زى الركوع

- ابعدى عن الأصناف دى: أكل بصلصة طماطم- شوكولاتة- أكل بالخل- السجق- الحمضيات- المقليات-

 القهوة وكل الكافيين- النعناع- الأكل الحراق والدسم